بالروح .. بالدم .. نفديك يا دميثير
دميثير هذا يذكرني بشخصية كعبوره .. و اللي ما يعرف كعبوره .. هو اسم الشخصيه الكاريكيتيريه التي قام بصناعتها الكاتب الساخر أحمد رجب مع الرسام المبدع مصطفى حسين .. كعبوره رجل أعمال مصري جاهل و لكنه غني .. هوايته هي الدخول في انتخابات مجلس الشعب .. و هو أفاق و نصاب بس دمه خفيف .. و هذا اللي يفرقه عن خلف دميثير .. إن دمه خفيف
عشان ما اخالف شرع ربي .. ما راح اقولكم شنو شفت خلف يسوي بأسبانيا .. لكن .. أنه يقعد يصارخ بالمجلس مطالبا بتطبيق احكام الشريعه .. هذي نكتة الموسم .. وقبلها كان رافض دخول المرأه مجلس الأمه لدواعي اجتماعيه دينيه .. نكته اخرى من نكت خلف
انا صراحه ما قمت احب افكر وايد بالجماعات الاسلاميه و الليبراليه و البطيخيه .. انا صار عندي هواية متابعة تصريحات الجماعات الدمبكجيه .. بقيادة المعلم السابق خلف دميثير .. الجماعه هذول انا اعتبرهم ملح مجلس الامه حق اللي يتابعهم عدل .. ما يحتاج تقرا الاخبار وتدقق وايد عشان تعرف شنو يدور في راس الشيوخ الكبار .. ما عليك الا انك تتابع تصرفات و مواقف دميثير و العيار عشان تعرف الكبار شنو يبون .. يعني لو الكبار قرروا يسوون نادي ستربتيز في الصليبخات مثلا .. راح تلقى دميثير يصرخ في مجلس الامه مناديا للتحرر من كل القيود المتخلفه .. و اذا قرروا الكبار يفتحون بار في الجهراء .. راح تلقى العيار كاتب هينيكن على بشته ..الجماعه الدمبكجيه هذي بسيطه للغايه .. ما عندهم لف و دوران مثل الجماعات الثانيه .. طويل العمر شنو يبي هم وراه .. تدرون شنو اللي مخليهم بسيطين و ما يتبعون وسائل معقده للوصول لغاياتهم ؟ .. لأن ما في احد يبون يخدعونه .. مثل الجماعات الثانيه .. الشعب عارفهم و عاجنهم .. و اللي منتخبينهم يدرون ان ما وراهم خير لا للبلد و الاسلام .. كل اللي يبونه منهم المعاملات .. والحكومه مو مقصره .. و لا راح تقصر عليهم
و بالروح .. بالدم .. نفديك يا دميثير .. يا رافع لواء الامه
