ما أقول إلا يا حليلي بس
حسبالي لما أرد الكويت راح ألقى الأراضي الفاضيه و البيوت فاتحه أحضانها لي عشان أشتريها .. وحسبالي أن خلاص كل المشاكل انتهت عقب ما خلصت من هني
كلمت الربع .. وصدموني بأسعار العقار .. فتحت الأنترنت على المواقع الكويتيه لبيع الأراضي .. و لقيت هالإعلان اللي بغى يطيحني من طولي
شوفوه
قطعة أرض في منطقه والله ما أعرف وينها اسمها بوفطيره بربع مليون دينار !!!!! .. ليش؟ .. شارع الشانزلزيه راح يمر يمها؟ .. والا نهر الدانوب راح يهاجر من المجر و يصفط وراها؟؟
عفوا .. بس أنا طلعت و الا نزلت موظف بالوزاره -يكرم السامع- .. وما عندي مصدر ثاني للدخل لأني انشغلت بدراستي .. شلون راح أسكن بالكويت ؟
و بعدين منو اللي مطقوق على راسه هذا و بيشتري بربع مليون أرض مخيم بالبر .. ما فيها لا خدمات صحيه ولا كهربائيه .. واذا رحت تزورها تلاقي ساكن فيها ضب
شوف هالبيت
هالبيت هذا بماربيا بأسبانيا .. شوفوا باجي صوره .. هذا الله يسلمكم بربع مليون دينار .. بس وراه جبل .. و يمه بورتو بانوس يالله من فضلك .. و تتمشى شويه تلاقى شواطيء البحر الأبيض المتوسط الساحره
شنو اللي يخلي صحراء بو فطيره أغلى من هالأماكن؟ .. لا تقولون ندرة أراضي .. احنا للحين ما استغلينا ربع أراضي الكويت
انزين الكويتيين قاعدين يشتكون من الأقساط و من غلاء المعيشه .. شلون قاعدين يشترون هالأراضي ؟
الظاهر إنك عشان تعيش بالكويت مرتاح لازم تكون تاجر .. و الا تقعد طول عمرك مجابل بيت أهلك
والله كلامك على الجرح وفي وقته بالنسبه لي شخصيا
أنا طلبي بالاسكان 96 ومن سنوات وانا ابي اشتري بيت ذبحتني الايجارات المرتفعه وموقادر اشتري
المشكله اذا بنطر الارض من الحكومه وين بتكون ؟؟
يا بالجنوب او بالشمال !!! والله حاله
تشرفت بتواجي بمدونتكم الجميله
واتمنى تشريفي بمدونتي المتواضعه
http://q8y8.blogspot.com/